Soomaaliya: 'Lahaysteyaal sheegay inay cuni jireen jiir'

Qalabkan aad haysato kuma ciyaari kartid maqalkan iyo muuqaalkan
'Waxaan cuni jirnay jiir'

Koox ay budhcad badeed Soomaaliya ku haysatay ku dhowaad shan sano ayaa soo gaartay caasimadda Kenya ee Nairobi, waxa ayna markii ugu horreysay ka hadleen xaaladii ay ku noolaayeen muddadii ay gacanta ugu jireen burcad badeedda Soomaalida.

Dareen caadifadeed ayaa ka muuqday markii ay raggaasi oo 26 ahaa soo dhoweeyeen danjirayaasha waddammadooda u fadhiya Nairobi.

Waxay markii hore ahaayeen 29 balse mid ka mid ah ayaa dhintay markii markabka la soo weeraray halka laba kalana ay cudurro u dhinteen iyagoo afduub loo heysto.

Waxa ay haatan ku noqonayaan dalalkii ay u kala dhasheen oo ay ka mid yihiin: Shiinaha, Philippines, Vietnam iyo qaar kale oo ka tirsan bariga qaaradda Asia.

Mid ka mid ah ragga la soo daayay ayaa BBC-da u sheegay in ay ku noolaayeen nolal ciriiri ah, ayna cuni jireen shimbiraha iyo waxyaabaha kale ee ay adagtahay in uu bani'aadamku cunno ahaan u cuno sida jiirka.

Lahaanshaha sawirka EPA
Image caption Dareen caadifadeed ayaa ka muuqday markii ay raggaasi oo 26 ahaa soo dhoweeyeen danjirayaasha waddammadooda u fadhiya Nairobi.

Sii deyntooda waxaa la xaqiijiyay maalintii Sabtidii ahayd kaddib wada xaajood waqti dheer qaatay.

Waxaa muddo dheer lagu hayay dhulka xeebaha Soomaaliya kaddib markii markabkooda, oo laga afduubay meel u dhow Seychelles, uu ku degay meel ka baxsan xeebta Soomaaliya.

Lahaanshaha sawirka AP
Image caption Waxay markii hore ahaayeen 29 balse mid ka mid ah ayaa dhintay markii markabka la soo weeraray halka laba kalana ay cudurro u dhinteen iyagoo afduub loo heysto