UNHCR oo sheegtay in tirada dhimashada tahriibayaasha ay sare u kacday

Tahriibayaasha waxaa la saaraa doono aad u liita oo si fudud ku quusi kara Lahaanshaha sawirka Getty Images
Image caption Tahriibayaasha waxaa la saaraa doono aad u liita oo si fudud ku quusi kara

Hay'adda qaxootiga ee UNHCR waxa ay sheegeysaa in sanadkan 2016ka uu yahay kii ay ugu dhimashada badnaayeen dadka tahriibayaasha ah.

Dadkaasi waxay dhinteen xilli ay isku deyayeen inay ka gudbaan badda Mediterranean.

Sanadkan oo keli ah, gaar ahaan 10kii bilood ee aanu soo dhaafnay, ugu yaraan 3,740 qof ayaa lagu warramayaa inay badda ku dhinteen.

Taasi waxay ku dhowdahay tirada sanadkii 2015kii oo gaareysa 3,771 qof oo sanadkaas oo dhan ku dhimatay badda.

UNHCR waxa ay sheegeysaa in labada bilood ee tirada tahriibayaasha ay sare u kacdo ay weli soo socdaan.

Sida ay UN iyo hay'adda socdaalka adduunka ee IOM ay sheegayaan tirada dadka tahriibaya ayaa sanadkan aad hoos ugu dhacday.

Sanadkii 2015kii, in ka badan hal milyan oo qof ayaa u tahriibay dhanka Yurub, sanadkan 2016-kana 300 kun oo qof ayaa ka gudubtay badda.

Balse, hay'adahan waxay ka walaacsan yihiin, tirada dhimashada ayaa aad sare u sii keceysa.

Hay'adda UNHCR ayaa seddax arrimood sabab uga dhigtay in tirada dhimashada ay kor u kacdo, waxayna kala yihiin:

  • Isticmaalka qadad aad halis u ah
  • Tahriibayaal badan oo xilliga cimilada xun tahay ka gudba badda.
  • Dadka tahriibta ka shaqeeya oo kumannaan qof saara doomo aad u liita oo ay adag tahay in dadka laga badbaadiyo. waana farsamo cusub.

Mowduucyada la xiriira

Warar kale oo dheeraad ah oo la xiriira qodobkan