Dhalinyaro Soomaali ah oo lagu xukumay Minneapolis

Soomaali la xukumay Lahaanshaha sawirka Getty Images
Image caption Maxkamad

Maxkamad ku taalla magaalada Minneapolis ee dalka Maraykanka ayaa xukun ku riday saddex dhalinyaro Soomaali ah, kuwaasi oo lagu helay dembi ah in ay ku biiri rabeen ururka isku magacaabay Dowladda Islaamiga.

Wiilka koowaad oo la yiraahdo Cabdullaahi Yuusuf ayaa lagu xukumay sanad xabsi ah iyo intii uu soo xirnaa, halka kan labaad oo la yiraahdo Cabdirisaaq Warsame lagu xukumay 30 bilood oo xabsi ah.

Labaduba waxa ay kiisaskooda iskaashi kala sameeyeen dacwad oogaha, taasi ayaana keentay in xukunka loo khafiifiyo.

Wiilka saddexaad oo lagu magacaabo Zakariye Yuusuf ayaa waxaa lagu xukumay 10 sano oo xabsi ah.

Xukunka lix kale oo dhalinyaro ah oo isla arrimahan loo haysto ayaa waxa ay maxkamada ridi doontaa labada maalmood ee soo socda.