Jawaari oo mar kale loo doortay guddoomiyaha baarlamaanka Soomaaliya

Jawaari ayaa mar kale loo doortay guddoonka baarlamaanka Soomalaiya
Image caption Jawaari ayaa mar kale loo doortay guddoonka baarlamaanka Soomalaiya

Guddoomiyihii hore ee baarlamaanka Federaalka Soomaaliya, Maxamed Cusmaan Jawaari ayaa mar kale loogu doortay xilkaasi doorasho ka dhacday magaalada Muqdisho, sida uu ku dhawaaqay guddoonka ku meel gaarka ah ee baarlamaanka Cusmaan Boqore.

290 xildhibaan ayaa codeysay wuxuuna Jawaari helay 141 cod, taasoo ka dhigan inaan loo baahaan wareeg labaad maadama uu helay seddax meelood laba meel codadkii la dhiibtay.

Haweenay kaga adkaatay rag doorashada baarlamaanka ka socota Kismaayo

Musharraxa ku soo xigay ayaa noqday Cabdirishiid Xidig oo helay 97 cod. Guddoomiyaha dib loo doortay Jawaari ayaa sheegay inuu ku faraxsanyahay doorashada.

Musharrixiinta laga guuleystay ayaa qirtay guul-darrada.

Qalabkan aad haysato kuma ciyaari kartid maqalkan iyo muuqaalkan
Daawo: 'Musuq iyo handadaad' hareeyay doorashada Soomaaliya

Ammaanka magaalada Muqdisho ayaa maanta aad loo adkeeyay, waxaana la filayaa in beri ay dhacdo doorashada guddoomiye ku xigeenka koowaad iyo labaad ee baarlamaanka.

Image caption Amaanka ayaa aad loo adkeeyay

Musharaxiinta ayaa maalmihii la soo dhaafay waday olole xoogan ay ku doonayaan sidii ay ugu guuleeysan lahaayeen Kursigan.

Image caption Waxaa doorashada kula tartmayay Jawaari Cabdirashiid Xidig,Cabdifitaah Geesey iyo Idriis

Baarlamaanka ayaa lagu wadaa inay soo doortaan madaxweyne isbuucyada soo socdo.

Taariikhada Jawaari

Siyaasigan 72 sano jirka ah kuma cusba siyaasadda, oo wuxuu afartii sano ee la soo dhaafay hayay xilka maanat dib loogu doortay

Intii ka horreysayna wuxuu u badnaa shaqooyin uu la la qabtay qaramada midoobay, jaamacad ku taalla Norway oo uu wax ka dhigayay iyo guddoomiye uu ka noqday guddiyo qaran oo qaabilsanaa dastuurka.

Prof Maxamed Cismaan Jawaari wuxuu horay u soo noqday wasiir dhowr jeer ka tirsanaa dowladii Maxamed Siad Barre ee xukunka laga tuuray sanadkii 1991. Wuxuu kaloo dowladaas ka qabtay xilal kale oo dhowr ah.

Tababar ahaan, waa qareen, wuxuuna prof Jawari horay u soo guddoomiyay guddiga madaxa bannaan ee dastuurka ee soo diyaariyay dastuurkii ugu dambeeyay.

Wuxuu ka soo jeedaa oo ay isku hayb yihiin guddoomiyihii hore ee baarlamaanka Shariif Xassan Sheekh Aadan oo isagu loo arko inuu ka mid yahay musharrixiinta u tartameyso xilka madaxtinnimada.

Hase yeeshee, waxaa suurtagal ah in guusha prof Jawari ay si toos ah meesha uga saarto hamiga madaxweyninimo ee uu ahaa Shariif Xassan Sheekh Aadan.

Waayo, nidaamka 4.5 ee awood qaybsiga ayaa ka hor istaagaya hogaamiyayaasha isku qabiilka ah in ay wada qabtaan sadexda xafiis ee ugu sareeya ee kala ah kan madaxwaynaha, kan ra'iisul wasaaraha iyo kan baarlamaanka.

Qalabkan aad haysato kuma ciyaari kartid maqalkan iyo muuqaalkan
Falanqeyn: Maxaa laga filanayaa doorashada afhayeenka baarlamaanka