Faransiiska: Yurub uma baahna talooyinka Trump

Dowladda Jarmalka ayaa albaada u furtay soogalootiga sanaddii 2015 Lahaanshaha sawirka AFP
Image caption Dowladda Jarmalka ayaa albaabada u furtay soogalootiga sanaddii 2015

Madaxweynaha dalka Faransiiska, Francois Hollande, ayaa ku gacanseyray hadal ka soo yearay Donald Trump oo dhaliil u soo jeediyay siyaasadaha dalka Jarmalka ee ku aadan soogalootiga.

"Yurub uma baahno in talooyin laga siiyo qaabka ay howlaheeda u maareyneyso, ayuu yiri Mr Hollande.

Mr Trump ayaa ku eedeeyay hogaamiyaha dalka Jarmalka inay sameysay waxa uu ugu yeeray 'khalad masiibo ah' markii ay aqbashay in dalkeeda ay muhaajiriin badan soo galaan.

Trump: Jarmalka wuu ku khaldanaa qaabilaada muhaajiriinta

Midowga Yurub oo ka shiraya Trump

Britain oo ku gacansayrtay hadal ka soo yeeray Donald Trump

Mrs Merkel waxay sheegtay inay tahay arrin khuseysa Midowga Yurub wixii uu ka yeeli lahaa aayihiisa.

Xoghayahaya arriimaha dibedda ee Mareykanka, John Kerry, ayaa isagana su'aal geliyay hadalka ka soo yeeray madaxweynaha la doortay ee Donald Trump.

"Waxay ila tahay inaysan habboonayn in madaxweynaha la doortay ee Mareykanka uu farageln toos ah ku sameeyo siyaasadaha dalal kale", ayuu yiri Kerry oo wareysi siinayay CNN.

Mar uu ka hadlayay arrinta gaashaanbuurta NATO, ayaa Trump waxa uu sheegay in waddamada kale ee xubinta ka ah NATO ay tahay inay dhaqaalo badan ku bixiyaan gaashaanbuurtani.