Weligaa ma maqashay warqad jacayl oo sida imtixaanka loo saxay?

Wuxuu siiyay mid ka mid ah natiijooyiinka ugu hooseeya ee imtaxaanka(D-) Lahaanshaha sawirka Thinkstock
Image caption Wuxuu siiyay mid ka mid ah natiijooyiinka ugu hooseeya ee imtaxaanka(D-)

Ardey dhigta Jaamacad oo u dhashay dalka Mareykanka ayaa saaxiibtiisii ku celiyay warqad raali gelin ah oo ay usoo dirtay ka dib markii uu u saxay sida mid imtaxaan.

Ardeyga ayaa siiyay natiijo ka dib markii uu saxay qaladaadkii asiga uga muuqday warqadda.

Wuxuu ardeygaasi sheegay inuusan ka xumeyn in warqadda ay baraha bulshada ku faaftay.

Nick Lutz ayaa qalin gaduudan ku saxan warqadda oo ahayd raali gelin loosoo diray.

Wuxuu taxliilin ku sameeyay sida ay u qorneyd warqadda oo afar bog ahayd oo ay u soo dirtay gabar jecleyd.

Wuxuu BBC Newsbeat u sheegay: "Waxaan saaxiibo ahayn sideed bilood".

"Afar bilood ka dib waxay bilowday inay telefoonkeeda iga qariso. Waxaan maqlay inay rag kale saaxiib la ahayd," ayuu yiri.

Nick oo dhigta jaamacadda Central Florida, wuxuu sheegay in warqadda lasoo gaarsiiyay waxyar ka dib markii ay saaxiibtii isku dheceen.

Waatan warqadda uu Nick saxay

Sixitaanka wuxuu ku billaabay, "hordhaca wuu dheeryahay, waadna ku soo celcelisay".

Ardeyga oo 20-sano jir ah wuxuu doonayay in saaxiibtiisii hore ay sabab u yeesha sadarka ah: "Waxaad ku guuldareystay inaan ilaaliyo xireerkeena".

Wuxuu kale oo ku dul qoray warqadda inuu u baahan yahay inay cadeyso marka ay leedahay "weligey kuma khayaamin".

"Maalin ayey ii sheegtay inay gabar u raaceyso dalxiis, balse wiil kale ayey raacday", ayuu u sheegay BBC Newsbeat.

"Lama hadlin tan iyo markii arrinta ay dhacday, mana qorsheynaayi inaan la hadlo", ayuu yiri.

Lahaanshaha sawirka Twitter/Nick Lutz
Image caption Bogga koobaad ee warqadda raali gelinta

Bogga labaad, wuxuu saaxiibtiisii hore ka codsaday inay faafaahiso sadarkan: "Waan ilaaliyay dhammaan ballanqaadyadii, waanna ka baxay".

Sidoo kale wuxuu u sheegay inay iska ilaaliso qaladaadka higaada xuruufta, sida ereyadan "loose" iyo "lose".

Lahaanshaha sawirka Twitter/Nick Lutz
Image caption Bogga labaad ee warqadda

Nick ayaa saaxiibtii ka dalbaday inay cadeyso waxa ay ula jeedo "ma jirto sabab aan wax kaaga qariyo, ama been kugu sheego".

Wuxuu dhinac kaga qoray: "Haddii aysan jirin sabab aad been u sheegto, maxaad runta u sheegi la'dahay?"

Warqadda uu saxay oo uu boggiisa Twitter-ka geliyay waxaa la wadaagay in ka badan 100 kun oo jeer.

"Ayada kuma faraxsana, anna ma fileyn inay heer intaa la eg gaarto warqadda. Hooyadey ayey la hadashay, aniguse lama hadlin, mana u maleynaayo in aan la hadli doono", ayuu yiri.

Lahaanshaha sawirka Twitter/Nick Lutz
Image caption Nick Lutz

Xittaa wuxuu u sheegay saaxiibtii in nooca farta qoraalka ee ay isticmaashay ay tahay mid isku dhex yaacsan.

Lahaanshaha sawirka Twitter/Nick Lutz
Image caption Bogga sedaxaad ee warqadda

Bogga ugu dambeeyay ee warqadda waxay gabadha ku dhameysay "wan ku jeclahay", balse Nick calaamadda su'aasha ayuu saaray.

"Haddii aad dooneyso in lagu aamino, cadeyn ku taageer sheegashadaada", ayuu ugu qoray warqadda dusheeda markii uu saxaayay.

Lahaanshaha sawirka Twitter/Nick Lutz
Image caption Bogga ugu dambeeya ee warqadda

"Sheegasho khiyaanada ah weligeed ma dhicin, naftaada eedee, maxaa kale? ayuu u sheegay saaxiibtiisii hore.

"Sheekadaada way is burineysaa ee dhinac qaado. waxaan jeclahay faafaahin in laga bixiyo waxyaabaha la sheeganayo".

Si aad ugu soo degsato BBC Somali App Android lifaaqan dhag sii:

https://play.google.com/store/apps/details?id=com.audionowdigital.player.bbc&hl=en

Si aad ugu soo degsato BBC Somali App iOS lifaaqan dhag sii:

https://itunes.apple.com/us/app/bbc-somali/id1128071649?mt=8

Mowduucyada la xiriira

Warar kale oo dheeraad ah oo la xiriira qodobkan