Booliska Berlin oo xiray masaajid uu tagi jiray Anis Camri

Booliska waxay la wareegeen 20 dhismo oo u badan guryo Lahaanshaha sawirka EPA
Image caption Booliska waxay la wareegeen 20 dhismo oo u badan guryo

Booliska Jarmalka ayaa qaaday howlgal laga fuliyay magaalada Berlin kaas oo laga lala eegtay dhismayaal uu leeyahay masaajid.

Waxaa la sheegayaa in dhismayaasha uu adeegsaday Anis Camri oo ka dambeeyay weerar December lagu qaaday suuq ku yaalla Berlin.

Boolis aad u badan ayaa la geeyay guryo iyo xarumo ganacsi oo baaritaan laga sameeyay.

Hay'ad maamusho masaajid ayaa sidoo kale shaqada laga joojiyay, lana mamnuucay.

Weerarka Anis Camri lala xiriirinayo waxaa ku dhintay 11 qof ka dib markii gaari xamuul ah uu dhexgeliyay suuq. Anis ayaa lagu dilay dalka Taliyaaniga xilli uu isku deyay inuu baxsado.

Lahaanshaha sawirka Reuters
Image caption Dhismayaasha waxaa lala xiriirinayaa masaajid uu si joogto ah u booqday Anis Camri

Booliska waxay sheegayaan in howlgalka uu bilowday ka dib markii la amray in la xiro hay'adda oo loo yaqaano Fussilet.

Amarka hay'adaasi lagu mamnuucay ayaa soo baxay bartamihii bishan.

Hantida baaritaanka lagu sameeyay waxaa deganaa dadka maamula hay'adda, sida Booliska uu ku warramay.

Dacwad oogayaasha waxay ku doodayaan in Anis Camri uu si joogto ah u tagay masaajidka.

"Xitaa maalintii weerarka wuxuu tagay masaajidka", ayey sheegeen saraakiil u hadashay waaxda dacwad oogista Jarmalka.

Waxaa masaajidka iyo hay'adda lagu eedeeyay inay xudun u ahaayeen xagjireynta iyo inay dagaalyahanno ay u qoreen ururka daacish.

Waxaa sidoo kale lagu eedeeyay inay lacag u uruuriyeen ururka la baxay Khilaafada Islaamka.

Booliska waxay sheegeen inay kaamiro qarsoodi ah ku xirteen ka soo horjeedka masaajidka ayna halkaasi kala socdeen.

Masaajidkaasi ayaa la xiray isbuucii aanu soo dhaafnay.

Qalabkan aad haysato kuma ciyaari kartid maqalkan iyo muuqaalkan
Daawo:Gaari dad lagu dardarsiiyay suuq ku yaala Jarmalka
Qalabkan aad haysato kuma ciyaari kartid maqalkan iyo muuqaalkan
DAAWO: Gabar haraanti looga tuuray jaranjaro

Warar kale oo dheeraad ah oo la xiriira qodobkan