Trump oo Obama ku eedeeyay dibadbaxyada ka dhanka ah maamulkiisa

Madaxweynaha Mareykanka Donald Trump Lahaanshaha sawirka Reuters
Image caption Madaxweynaha Mareykanka Donald Trump

Madaxweynaha Mareykanka Donald Trump ayaa sheegay inuu aaminsan yahay in Barack Obama uu ka dambeeyo dibadbaxyada ka dhanka ah xildhibaanada xisbiga Jamhuuriga iyo sirta la shaaciyay ee amniga ku saabsan.

Wuxuu TV-ga Fox News u sheegay : "Waxaan u maleynayaa in madaxweyne Obama uu ka dambeeyo, sababtoo ah dadkiisa ayaa arrintan abaabulaya".

Wuxuu intaa raaciyay "Waxaan xittaa u maleynayaa in arrintan ay siyaasad tahay".

Donald Trump ma uusan cadeynin sheegashadaas iyo eedaha uu Obama u jeediyay.

Madaxweynihii hore ee Mareykanka Barack Obama ayaan ka jawaabin dhalleeceynta Trump ka soo yeertay.

Trump ayaa sidoo kale ka hadlay qorshihiisa miisaaniyadda iyo arrimo kale.

Hadallada uu Fox News u sheegay waxaa ka mid ah:

  • Trump wuxuu isa siiyay inuusan hadal badneyn balse uu dadaal heer sare ah sameeyay, guul weyna uu gaaray
  • Qorshihiisa dhaqaalaha difaaca wuxuu ku daray $54 bilyan oo dollar.
  • Wuxuu sheegay inuu "munaafiq" noqon lahaa haddii uu tagi lahaa casho saxaafadda loogu sameeyay Aqalka Cad, asigoo iftiiminaya "warka been abuurka ah"
Lahaanshaha sawirka Getty Images
Image caption Mareykanka dhaqaalaha ugu badan wuxuu ku bixiyaa militariga

Madaxweyne Trump wareysiga laga qaaday waxaa la baahiyay saacado ka hor inta uusan Congress-ka u sheegin qorshihiisa dhimista qarashka iyo xoojinta dhaqaalaha.

Lahaanshaha sawirka Getty Images
Image caption Mareykanka waxaa dhowaanahan ka dhacaya isu soo baxyo waaweyn oo looga soo horjeedo siyaasadaha Trump

Waxaa la weydiiyay dibadbaxyada ka dhanka ah qaar ka mid ah siyaasiyiinta Jamhuuriga ee ka dhacaya dalkaasi oo dhan.

Wuxuu sheegay inuu ka shakisan yahay dad daacad u ah Obama inay abaabuleen dibadbaxyada siyaasiyiinta looga soo horjeedo iyo kuwa ku saabsan sirta Aqalka Cad ee la xaday.

"Marka la eego arrimahan uu asiga ka dambeeyo, waa siyaasad. Wayna socondoontaa xaqiiqdii", ayuu yiri Trump.

Trump wuxuu sheegay in jeedadiisa ugu weyn ay tahay inuu sare u qaado dhaqaalaha dalka Mareykanka.

Warar kale oo dheeraad ah oo la xiriira qodobkan