Guterres iyo Farmaajo oo ka hadlay sidii wax looga qaban lahaa abaarta

Xoghayaha guud ee UN oo Soomaaliya ku sugan Lahaanshaha sawirka UN Spokesperson‏
Image caption Xoghayaha guud ee UN oo Soomaaliya ku sugan

Xoghayaha guud ee Qaramada Midoobeey Antonio Guterres ayaa booqday magaalada Baydhabo, wuxuuna halkaas kula kulmay masuuliyiinta maamulka Koonfur Galbeed.

Gobolka Baay wuxuu ka mid yahay meelaha ugu daran ee abaarta ay saameysay. Xanuunno uu shuban biyood ka mid yahay ayaa halkaasi ka dillaacay.

Wuxuu Antonio Guterres sheegay in loo baahan yahay in sidegdeg ah loogu gurmado dadka ay abaarta saameysay si looga hortago macaluul.

Xoghayaha guud ee Qaramada Midoobeey ayaa intuu Muqdisho ku sugnaa la kulmay madaxweynaha Soomaaliya Maxamed Cabdullahi Farmaajo.

Waxaa la sheegay inay ka wada hadleen xaaladda abaarta Soomaaliya ka taagan iyo sidii wax looga qaban lahaa.

Ilo ku dhow labada dhinac ayaa sheegay in ay ku heshiiyeen in ahmiyadda koobaad la siiyo wax ka qabadka abaaraha iyo gurmadka loo fidinayo dadka tabaaleysa.

Xog hayaha guud ee Qaramada Midoobeey Antonio Guterres ayaa Soomaaliya ku tagay safar aan horey loo shaacin oo lagu tilmaamay mid degdeg ah oo wax looga qabanayo abaaraha.

Booqashada oo hal maalin ah wuxuu diiradda ku saaridoonaa inuu caalamka u soo jeediyo sidii loogu gurman lahaa malaayiin qof oo qarka u saaran inay macaluul ku dhufato oo ku nool Soomaaliya.

Xoghayaha guud ee Qaramada Midoobeey ayaa bartiisa Twitter-ka ku qoray inuu gaaray caasimadda Soomaaliya ee Muqdisho.

"Hadda ayaan Soomaaliya ku gaaray booqasho degdeg ah si aan diiradda u saaro gaajada iyo daacuunka. Dad badan ayaa dhimanaya. " ayuu bartiisa ku qoray Guterres.

Xannuunada ka dhashay abaaraha oo "sii faafaya"

Sawirro: Abaaraha ka taagan gobolka Soomaalida Itoobiya

Wuxuu intaa raaciyay "Waa in dunida ay si degdeg ah uga jawaabtaa xaaladda".

Booqashadiisa waxay imaaneysaa xilli dowladda Soomaaliya ay dhowaan sheegtay in 48-saacadood gudahood ay 110 qof ay u dhinteen cudurro ka dhashay abaaraha.

Qalabkan aad haysato kuma ciyaari kartid maqalkan iyo muuqaalkan
Sweden oo malaayiin dollar ku deeqday abaaraha Soomaaliya

UN waxay ka digtay in macaluul ay ka dillaacdo Soomaaliya, Yaman iyo Nigeria ka dib markii xaalad halis ah oo macaluul ah looga dhawaaqay Suudaanta Koonfureed, bishii la soo dhaafay.

Qaramada Midoobeey ayaa sidoo kale codsatay in 4 bilyan oo dollay oo loogu gurmado dalalkaasi afarta ah ee abaaraha ay sida xun u saameeyeen.

Hay'adaha gargaarka waxay qiyaasayaan in 5 milyan oo qof oo ku nool Soomaaliya ay u baahan yihiin in si degdeg ah cunto loo gaarsiiyo.

Qalabkan aad haysato kuma ciyaari kartid maqalkan iyo muuqaalkan
Daawo: Saaemyta ay abaaraha ku yeesheen xoolo dhaqatada

Hay'adaha gargaarka ee caalamiga ah iyo kuwa gudaha Soomaaliya ka howlgala waxay ka digayaan macaluul la mid ah middii 2011-kii.

Waxay sheegeen in qiyaastii seddax milyan oo qof ay ku nool yihiin cunto la'aan daran.

Madaxweynaha Soomaaliya ayaa dhowaantan shaaciyay inay musiibo qaran jirto, wuxuuna ku baaqay gurmad degdeg ah.

Macaluushii 2011-kii waxaa la sheegay inay u dhinteen 260 kun oo qof. Middii ka sii horeysay ee 1992-dii waxaa u dhintay 220 kun oo qof, sida ay hay'adaha Qaramada Midoobeey sheegeen.

Qalabkan aad haysato kuma ciyaari kartid maqalkan iyo muuqaalkan
Gabay ku saabsan abaaraha oo ay tirisay abwaanad Koos Jamac Dhunkaal

Mowduucyada la xiriira

Warar kale oo dheeraad ah oo la xiriira qodobkan