Dil sugayaal dil ka cabanaya

Midazolam oo ah dawo dadka lagu dilo waxay dhacaysaa dhamaadka April Lahaanshaha sawirka AP
Image caption Midazolam oo ah dawo dadka lagu dilo waxay dhacaysaa dhamaadka April

Maxaabiista dil sugeyaasha ah ee gobolka Arkansas ee Maraykanka ayaa ka dacwooday mowjado dilal ah oo aan hore loo sii qorshayn.

Barasaabka gobolka Arkansas, Asa Hutchinson, oo ka tirsan xisbiga Jamhuuriga ayaa ku dhawaaqay in 8 maxbuus dil lagu fulin doono 10 maalmood gudahood bisha soo socota, sababtana waxaa lagu sheegay in mid ka mid ah dawooyinka dadka lagu dilo ee gobolkaas oo la yiraahdo Midazolam ay dhacayso dhamaadka April.

Maxaabiistu waxay sheegeen in dilka la dedejinayo uusan siin doonin wakhti ku filan oo ay ku diyaarsadaan racfaankooda, uuna xadgudub u yahay shuruucda gobolka.

Waxay kaloo ka cabanayaan in dawada Midazolam aysan ahayn mid si dhamaystiran miyirka uga qaadaysa qofka, taasoo macnaheedu yahay inay xanuun badan dareemayaan.