Mareykanka oo ciidammo u diray Soomaaliya markii ugu horreysay tan iyo 1994

Somalis look at the wreckage of a US helicopter, in a Mogadishu street, 04 October 1993, after it was shot down. Lahaanshaha sawirka AFP
Image caption Haraagii diyaaradaha Mareykanka ee Muqdisho lagu soo riday 1993

Dowladda Maraykanka ayaa ciidan u dirtay Soomaaliya si ay gacan uga gaystaan tababaridda ciidamada dagaalka kula jira kooxda Al-Shabaab.

Waa markii ugu horraysay oo uu Maraykanka ciidamo caadi ah u diro Soomaaliya tan iyo 1994-kii, inkastoo ciidamo kooban oo ah kuwa la dagaalanka argigixisada ay dalka ku sugnaayeen.

Xusuusta maanta oo kale 1992: marines-ka Mareykanka ayaa ka degay Soomaaliya

Warka ku saabsan in ciidanka Maraykanka loo diray Soomaaliya ayaa ku soo beegmaya iyadoo dhammaadkii bishii hore uu madaxweyne Donald Trump uu wax ka badalay qaabka hawlgalka ciidamada ka hortaga argigixisada.

Trump ayaa waxa uu saxiixay amar cusub oo ciidanka Maraykanka u oggolaanayo in ay si toos ah uga qeyb qaadan karaan dagaalka lagula jiro waxa loogu yeeray argigixisada.

Sida laga soo xigtay saraakiil Maraykan ah, ciidammada Maraykanka oo lagu sheegay in ay gaarayeen daraasiin ayaa gaaray Muqdisho 2-dii bishan April, waxaana ciidamadaasi codsaday baa la yiri dowladda Soomaaliya.

Waxa la filayaa in ciidamada Maraykanka ay tababaro siiyaan ciidamada wadamada Afrika ka socda ee ka hawlgalaya Soomaaliya.

Dhowr dal oo kale sida UK iyo Turkiga ayaa tababar siinaya ciidammada Soomaaliya.

Soomaali laga soo tarxiilay Mareykanka oo Muqdisho laga dejiyay

Warar kale oo dheeraad ah oo la xiriira qodobkan