Dumar reer Burindi ah oo "xaalad adoonsi" oo kale ah ay Sacuudiga ku haysto

Haween badan ayaa Khaliijka aada iyaga oo rajaynaya in shaqooyin fiican ka soo helaan Lahaanshaha sawirka AFP
Image caption Haween badan ayaa Khaliijka aada iyaga oo rajaynaya in shaqooyin fiican ka soo helaan

Dawladda Burundi ayaa soo daadguraynaysa 800 oo haween iyo gabdho isugu jira oo tahriib lagu geeyay Bariga Dhexe sanadkii hore, kuwaas oo qabta shaqooyin la mid ah adoonsi, sida ay sheegtay hay'ad dalkaas ka hawlgasha oo xuquuqda aadanaha u dooda.

Ilaa iyo hadda soddon ka mid ah dumarkaas ayaa la soo daad gureeyay, waxaana ka mid ah haweenay Sacuudiga loogu soo gaystay tacadiyo ay qaarkood galmo la xiriiraan oo haddana lagu riixo kuraasta dadka naafada ah, sida ay sheegtay NOATC.

In kabadan 820 haween iyo dumar ah ayaa la tacriibiyay sanadkii hore, badankoodana waxaa la geeyay Sacuudi Carabiya iyo Cumaan, ayay intaas ku dartay warbixinta.

Waxaa loo ballanqaaday shaqooyin wanaagsan, waxayse taasi ku soo dhamaatay shaqooyinka guryaha laga qabto oo xaaalad aad u adag ah, taas oo dumarka qaar ay barbar dhigeen adoonsi sida ay hay'addu sheegtay.