Milatariga Shiinaha oo markii koobaad samaystay Markab diyaaradaha xambaara

Markabkan ayaa ah kii labaad ee ee noociisa ah ee Shiinuhu yeesho waana kii koobaad ee ay iyagu samaystaan Lahaanshaha sawirka Reuters
Image caption Markabkan ayaa ah kii labaad ee ee noociisa ah ee Shiinuhu yeesho waana kii koobaad ee ay iyagu samaystaan

Dawladda Shiinaha ayaa soo bandhigtay Markab diyaaradaha xambaara, arrintaas oo xoojinaysa awoodda milatari iyadoo bartanka lagaga jiro xiisadda sii kacaysa ee gobolka ka taagan.

Waa markabkii labaad ee dalku yeesho ee awooda in uu diyaarado xambaaro.

Laakiin kani wuxuu kii hore kaga duwan yahay waa midkii koobaad ee lagu sameeyo dalka Shiinaha gudahiisa.

Warbaahinta dawladdu waxay sheegtay in markabkan oon wali magac loo bixinin "in laga qaaday meel dhul ah oo la galiyay biyaha dekedda Dalian.

Lahaanshaha sawirka Getty Images
Image caption Markabkii u horeeyay ee diyaaaradaha xambaara ee Shiinuhu yeesho waxaa lahaan jiray midawgii soofiyeet balse markay gateen ayay dib u qaabeeyeen

Wararkii hore waxay sheegayeen in uusan hawlgali karin inta ka horaysa 2020ka.

Arrintani waxay ku soo aadaysaa iyadoo maalmihii u dambeeyay ay sii kululaatay dareenka ka dhextaagan Maraykanka iyo Kuuriyada Waqooyi.

Shiinaha ayaa horay u lahaa hal markab oo xambaaara diyaaradaha oo la dhoho Liaoning kaas oo ay ka soo iibsatay Ukraine balse ay dib u qaabaysay.

Dalka Maraykanka ayaa maraakiib dagaal iyo gujis geeyay biyaha Kuuriya, arrintaas oo dhalisay in Waqooyiga Kuuriya ay aad uga carrooto.

Shiinaha ayaase ku baaqay in xaaladda la dajiyo.

Warar kale oo dheeraad ah oo la xiriira qodobkan