Mugabe 'ma jiifee indhuhuu nasinayaa'

Indhaha Mugabe ayaa xasaasiyad ka qaada nalka Lahaanshaha sawirka AFP
Image caption Indhaha Mugabe ayaa xasaasiyad ka qaada nalka

Madaxweynaha Zimbabwe Robert Mugabe ma jiifo marka uu indhaha isku qabto iyadoo uu kulamo dhaadheer ka qaybgalayo ee indhaha ayuu nasiyaa, sida uu sheegay afhayeenkiisu.

"Madaxweynuhu ma xamili karo iftiinka badan ee nalalka" waxaa sidaas yiri George Charamba sida uuu qoray wargayska ay dawladdu leedahay ee Herald.

Charamba ayaa madaxweyne Mugabe la simay Nelson Mandela oo ku caanbaxay siddii uu uga dhiidhiyay midab takoorka oo ay indhihiisa waxyeelo ka soo gaareen xabsigii Robben Island ee uu soo maray.

"Lama ogola in aad qol uu ku jiro ku dhex adeegsataan kaameerooyinka nalka daara marka ay wax sawirayaan" ayuu sii raaciyay.

Mugabe oo 93 jir ah ayaa la arkay isaga oo ku dhex hurda kulamo badan, taas oo horseeday in la hadal hayo xaaladdiisa caafimaad.

Wuxuu doonayaa in uu u tartamo doorashada madaxtinimada ee sanadka soo socota.

Madaxweynaha ayaa hadda dawayn khaas ah oo dhanka indhaha ah ku qaadanaya Singapore.

Mugabe ayay dhawaan hurdo ku qabatay isaga oo ka qaybgalaya kulan lagu lafagurayay dalalka uu dhaqaalahoodu nugulyahay oo qayb ka ahaa Shirka Caalamiga ah ee dhaqaalaha Adduunka oo lagu qabtay Koonfur Afrika horraantii bishan.

Markaas wuxuu sheegay in Zimbabwe ay tahay mid ka mid ah dalalka ugu horumar badan ee qaaradda Afrika.