Trump oo sheegtay in uu ka dambeeyay xiriirka loo jaray Qadar

People gather outside a branch of Qatar Airways in the United Arab Emirate of Abu Dhabi on June 6, 2017 Lahaanshaha sawirka AFP

Madaxweynaha dalka Maraykanka ayaa sheegtay in kuu ka dambeeyay caddaadiska ay dalalka Khaliijku saareen dawladda Qadar.

Trump ayaa sheegay in markii uu dhawaaan booqday Sacuudiga loo sheegay in dalka Qadar uu maalgaliyo "aragtida xagjirka ah"

"Markii aan booqashada ku tagay Bariga Dhexe waxaan carrabka ku adkeeyay in aan hadda ka dib la maalgalin karin aragtida xag jirka ah" ayuu yiri Trump.

Socdaalkaygii "wuu miro dhalay" ayuuna sii raaciyay madaxweynaha Maraykanku.

Sacuudi Carabiya, Baxrayn, Isutagga Imaaraadka Carabta, Yemen iyo Dawladda Liibiya ee ku sugan dhanka bariga iyo dalka Maldives ayaa dhammaantood u jaray calaaqaadkii dublamaasi iyo xiriirradii kale ee ay la lahaayeen dawladda Qadar.

Waxay ku eedeeyeen in ay teegeerto argagixisada gobolka.

Dawladda Masar ayaa sheegtay in ay diyaaradaha Qadar ka xiranayso hawadeeda iyadoo uu sii korayo muranka dublamaasiyadeed, waxaana la filayaaa in Sacuudi Carabiya iyo Baxraynna ay sidaas oo kale sameeyaan Talaadada.

Muwaadiniinta Qadar ee ku nool Baxrayn, Sacuudi Carabiya iyo isutagga Imaaraadka Carabta ayaa loo qabtay labo todobaad in ay dalkooda ku aadaan.

Lahaanshaha sawirka AFP

Qadar ayaa diiday in ay taageerto malayshiyaadka, wasiirkeeda arrimaha dibadduna wuxuu ku baaqay in la qabto wadahadal aan waxba laka qarsanaynin oo daacadnimo ku dheehan tahay.

Masar ayaa sheegtay in ay hawadeeda ka xiranayso Qadar Talaadada marka ay saacaddu ku beegantahay 7 subaxnimo ee wakhtiga Bariga Afrika ama 04:00 GMT ayna socon doonto ilaa iyo inta amar dambe laga soo saarayo.

Lahaanshaha sawirka FLIGHTRADAR24
Image caption Websiteka FlightRadar24 oo tiknoolajiyad adeegsanaya ayaa muujiyay in ay marinno koobaan adeegsanayaan duuliyeyaasha diyaaradaha Qatar Airways ee safarka galay subaxnimadii Talaadadan

Waxaa la filayaa in khalkhal uu ku yimaaddo garoommada magaaalada Dooxa ee caasimadda u ah dalka Qadar maadaama oo ay sii maraan duulimaadyo badan oo u kala socda daafaha caalamka.

Shirkadaha Diyaaradaha ee ay saamaynayso waxaa ka mid noqon doona Qatar Airways, Etihad Airways iyo Emirates.

Haddii diyaaradaha Qadar ay ka weecdaan hawada baaxadda wayn ee dalalka ay dariska yihiin waxay markaas ku qasbanaan doonaan in duulimaadyadu ay qaataan wakhtiyo intii hore ka badan.

Wasiirka arrimaha dibadda ee Qadar Sheekh Maxammed Bin Cabduraxmaan Al Thani ayaa warbaahinta Al Jazeera u sheegay "in diyaaradahoodu ay wali awoodi doonaan in dunida u socdaalaan iyaga oo adeegsanaya baddaha iyo hawooyinka caalamiga ah".

Masuul aan magaciisa la shaacinin oo dawladda Soomaaliya ka tirsan ayaa wakaaladda wararka ee AP u sheegay in ay hawada Soomaaliya isticmaaleen 15 diyaaradood oo ay leedahay shirkadda Qatar Airways Isniintii, kuwaas oo ka badan kuwii caadiyan u adeegsan jiran maalin qur ah.

Mowduucyada la xiriira