Britain oo maanta doorasho loo dareerayo

doorasho Lahaanshaha sawirka Getty Images

Dalka Britain maanta waxaa loo dareerayaa codbixinta doorashada guud kaddib markii la soo gabagabeeyay ololaha doorashada oo ay hareeyeen weeradadii dalkaasi ka dhacay dhawaan.

Doorashadan ayaa ah mid wakhtigeeda lagas oo hormariyay oo ay ku baaqday ra'iisalwasaare Theresa May.

Doorashadan ayaa noqonaysa tii saddexaad oo dalkaasi ka dhacda muddo ka badan labo sano gudahood.

Booliska dalkaasi ayaa sheegaya in ay adkeynayaan ammaan goobaha codbixinta.

Ciidamo hubeysan ayaa la geynayaa goobaha qaar, waxaana arrintaasi loo aaneynayaa weeraradii dhawaan dalkaasi ka dhacay.

Natiijada ugu horreysa ee codbixinta ayaa la filayaa in lagu dhawaaqo ka hor 12-ka caawa sakhdi dhexe.