Iran oo cunno u daabushay Qatar

Iran Qatar Lahaanshaha sawirka IRANAIR
Image caption Dalalka deriska ah ayaa jaray xiriirka dhulka, badda iyo hawada ee ay la leeyihiin Qatar

Iran ayaa dalka Qatar u dirtay diyaarado sida cunno, ka dib markii xiisadda ka taagan Khaliijka ay saamaysay wax soo dhoofsashada dalkaasi yar ee ay isku kacsan yihiin waddamada jaarka la ah.

Shirkadda diyaaradaha qaran ee Iran ayaa sheegtay in shan diyaaradood oo sida cunno iyo khudaar ay u duuleen dalka Qatar.

Ilaa iyo hadda lama sheegin in cunnadaasi ay tahay gargaar, ama in ay iibsatay Qatar.

Soomaaliya: Waan ka xunnahay khilaafka waddamada Carabta

Sacuudi Carabiya, Isutagga Imaaraadka Carabta iyo dalal kale oo gobolkaasi ku yaalla ayaa jaray xiriirka dhulka, badda iyo hawada ee ay la leeyihiin Qatar, waxaana taasi ka dhalatay cabsi ah in dalkaasi ay soo food saarto cunno yari.

Dalalka deriska la ah Qatar ayaa xannibaadaasi saaray, ayagoo ku eedaynaya in ay taageerto ururada jihaadiga ah, ayna xiriir dhaw la leedahay Iran.

Xukuumadda Dooxa ayaa beenisay eedeymahaasi loo jeediyay.

Jarmalka oo ku baaqay in la joojiyo go'doominta Qatar