Google oo balaayiin doolar lagu ganaaxay

Xayaysiinnada google ayaa korka soo marka alaab iib ah laga baaranayo Google Lahaanshaha sawirka Google
Image caption Xayaysiinnada google ayaa korka soo marka alaab iib ah laga baaranayo Google

Golaha midowga Yurub ayaa ganaax lacageed oo dhan 2.42 bilyan yuuro oo dhiganta ($2.7bn) ku soo rogay shirkada Google ka dib markii la ogaaday in shirkada ay si xun u isticmaashay awooddeeda.

Goluhu wuxuu sheegay in adeegyada dukaamaysiga ee Google la siiyay caannimo aan dhexdhexaad ahayn marka ay timaado in aaladaan wax laga dhexbaadhho.

Lacagtani ayaa ah ganaaxii ugu barnaa ee goluhu uu ku soo rogo shirkad lagu eedeeyay in ay wax isdaba marin ku samaysay suuqa.

Go'aankan ayaa sidoo kale ku amraya shirkada Google in ay ku soo afjarto muddo 90 maalmood gudahood ah ficilada ka dhanka ah tartanka haddii kale ganaaxyo dheeraad ah ay wajihi doonto.

Shirkadan laga leeyahay dalka Maraykanka ayaa sheegtay in ay racfaan ka qaadan doonto xukunka golaha midowga Yurub.