Itoobiya oo soo afjartay xaaladdii degdegga ahayd

Khariidad

Baarlamaanka dalka Itoobiya ayaa qaaday xaaladdii degdegga ahayd ee uu dalku ku jiray tan iyo bishii Oktoobar ee sannadkii hore.

Xaaladda degdega ah ayaa looga gollahaa in wax lagaga qabto mudaaharaadyadii dawladda lagaga soo horjeeday.

Muddada xaaladda degdegga ah ee markii hore la soo rogay ayaa ahayd lix bilood, balse afar bilood oo kale ayaa lagu kordhiyay.

Mudaaharaadyada dawladda lagaga soo horjeeday ayaa dhacay gobollada Oromada iyo Amxaarada.

Labadaas qawmiyadood ayaa dalbanayay galaangal siyaasadeed iyo mid dhaqaale oo dheeri ah, iyaga oo sheegay in la gacan bidixeeyay.

Lahaanshaha sawirka Reuters

Waxyaabaha la mamnuucay intii xaaladda degdegga ah lagu jiray waxaa ka mid ahaa:

  • In baraha bulshada loo isticmaalo in lagula xiriiro waxa loogu yeeray "xoogagga dibadda"
  • In la abaabulo mudaaharaadyo "ay u badan yahay in ay horseedaan, carqalad, rabshado, nacayb ama aaminaad darro soo kala dhex gasha dadka"
  • In la sameeyo astaamo siyaasadeed, sida in aad gacmaha isdhaafiso adigoo madaxa ka saremarinaya.