Japan oo laga xusay weerarkii niyukleer ee Hiroshima

Weerarkii Hiroshima Lahaanshaha sawirka BBC WORLD SERVICE
Image caption Weerarkii Hiroshima

Xaflad lagu xusayo sanad guuradii 72 ee ka soo wareegtay weerarkii bambo-atoomigga ee uu Maraykanka ku qaaday Hiroshima dalka Japan dagaalkii labaad ee dunida ayaa lagu qabtay halkaasi.

Xuskani ayaa wax ka qayb galay raisul wasaaraha Japan,Shinzo Abe, iyo marti sharaf ka kala yimid dalalka dibadda.

Bishii aanu soo dhaafnay ayay ahayd markii ay iska dhaga tireen wadamada haysta bambo-atoomigga in ay saxiixaan heshii ahaa in hubkaasi wax gumaada laga mamnuuco caalamka.

Heshiiskan ayaa waxa saxiixay inta badan wadamada xubnaha ka ah qaramada midoobe,balse waxa diiday dalalka haysta hubkani wax gumaada.

Japan oo dhisaysa kombuterkii ugu waynaa adduunka

Ra'iisul wasaaraha Japan oo Trump la kulmay

W/Kuuriya oo looga digay tijaabada gantaallada

Maraykanka ayaa , August 1945, waxa bambaano atoomig ah ay ku rideen Hiroshima taasi oo keentay inay dhintaan ilaa 140,000 oo qof.

Waxay ahayd markii ugu horraysay oo dagaal loo adeegsado hub Nukliyeer ah, ayadoo seddex maalmood ka dibna lagu dhuftay Nagasaki.

Weerarradaasi ayaa loo arkaa in lagu khasbayey xukuumaddii Japan ee xilligii dagaalka inay is dhiibto.

Weerarkaasi niyukleerka ayaa waxa uu soo afjaray dagaalkii labaad ee dunida .