Suuqa ugu weyn magaalada Gaarisa oo gubtay

Suuq Muqdi oo gubanaya
Image caption Suuq Muqdi oo gubanaya

Wararka ka imaanaya magaalada Gaarisa ayaa sheegaya in suuqa ugu weyn ee magaaladaasi ee loo yaqaano Suuq Mugdi uu dab qabsaday.

Dabka ayaa ku fidey qeybaha kala duwan ee suuqa, iyada oo la arkayay holaca iyo qaaxa ka baxaya suuqa.

Qaar ka mid ah dadkii ganacsatada ayaa alaabahooda ka daad gureysanaya , iyada oo shaqaalaha dab-damiska ay usoo gurmadeen suuqa, islamarkaasina dhuumo biyo ah ay ku daminayaan dabka.

Dabkan ka kacay suuqa ayaa kusoo aadaya xili guddiga doorashooyinka Kenya ay shaaciyeen natiijada doorashooyin halkaasi ka dhacay oo lagu tartamayay xilal kala duwan.

Image caption Shaqaalaha dab damiska Gaarisa

Kursiga baarlamaanka Gaarisa waxaa ku guuleystey Aadan Barre Ducaale, waxa uu tartan adag kala dhaxeeyey Faarax Macalin Dawaaraa, halka kursiga gufarnatooraha uu ku guuleystay Cali Buunow Qorane oo la tartamayay Nadiif Jaamac oo xilkaasi horey usii hayay.

Musharixiinta laga guuleystey wali ma aysan hadlin.

Mowduucyada la xiriira