In kabadan 58 ruux oo lagu toogtay dalka Mareykanka

Boqolaal dad ah ayaa ka cararay goobtii uu bandhig faneedku ka socday Lahaanshaha sawirka Getty Images
Image caption Boqolaal dad ah ayaa ka cararay goobtii uu bandhig faneedku ka socday

Ugu yaraan 58 ruux ayaa ku dhintay 400 kalana dhaawac ayaa ka soo gaaray toogasho ka dhacday bandhig faneed lagu qabanayay magaalada Las Vegas ee dalka Maraykanka.

Qof hubaysan ayaa rasaas ku furay barxadii uu bandhiggu ka socday oo ku taalla hoteelka Mandalay Bay

Nin hubeysnaa oo lagu magacaabay Stephen Paddock oo 64-sano jir ah ayaa la sheegay in rasaas uu ku furay meel ay ka socotay xaflad heeso.

Booliska Las Vegas waxay sheegayaan in ay ogaadaan halka ay joogto haweeney la socotay ninka dadka laayay oo ay ku magacaabeen Marilou Danley, iyo laba gaari oo laga shakiyay.

Boqolaal dad ah ayaa goobtii ka firxaday waxaana la maqli karay wax u ekaa rasaas qori ka dhacaysa, sida laga maqli karo muuqaal baraha bulshada la soo galiyay.

Muslimiin Mareykanka lagu dilay

Booliska oo qabtay nin laba askeri ku toogtay Maraykanka

Nin Soomaali ah dad ku qafaashay dalka Australia oo la dilay

Booliisku waxay sheegeen in qofkii laga shakisnaa "dhulka la dhigay" isla markaasna aysan rumaysnayn in ay jiraan dad kale oo laga shakisan yahay.

Qalabkan aad haysato kuma ciyaari kartid maqalkan iyo muuqaalkan
Muqaalkan ayaa muujinaya dad ka firxanaya huteelka Vegas

Waxaa jira war kale oo sheegaya in arrin kale ay ka dhacday goob kale oo isla Las Vegas ah.

Qof u hadlay isbitaal ayaa sheegay in xaaladdoodu ay liidato 14 ruux oo dhaawac ah.

Lahaanshaha sawirka Getty Images
Image caption Lamaane ka gabanaya dhawaaqa rasaasta
Lahaanshaha sawirka Getty Images
Image caption Dad ka firxanaya goobta ay rasaastu ka dhacday
Lahaanshaha sawirka Getty Images
Image caption Booliis hubaysan oo ku sugan bannaanka huteelka Mandalay Bay ayaa la sawiray

Warar kale oo dheeraad ah oo la xiriira qodobkan