Saldhigyo Ruushku ku leeyahay Suuriya oo la weeraray

Sawiro la rumaysan in ay yihiin burbur gaaray diyaarad ka dib weerarka dhacay bilowgii sanadkan Lahaanshaha sawirka ROMAN SAPONKOV
Image caption Sawiro la rumaysan in ay yihiin burbur gaaray diyaarad ka dib weerarka dhacay bilowgii sanadkan

Wasaarada gaashaandhiga ee Ruushka ayaa xaqiijisay in kooxaha mintidiinta Suuriya ay u isticmaaleen diyaaradaha aan duuliyaha lahayn weerar ay ku qaadeen saldhigyadooda ciidamada cirka iyo kuwa badda ee Suuriya ku yaalla.

Wasaarada ayaa sheegtay in wax khasaaro ah uusan ka dhalan weerarada lagu qaaday saldhigyadaasi.

Saldhigyada Ruushka ee la weeraray kuna yaalla Suuriya ayaa lagu kala magacaabaa Hmeimim iyo Tartus.

Saldhigga Hmeimim ayaa muhim u ahaa dagaalka ay Ruushka gacanta ku siinayaan madaxwayne Assad.

Xukuumadda Moscow ayaa horey u sheegtay in hoobiyayaal lagu weeraray saldhigaasi bilowgii sanadkan ay ku dhinteen laba askari.

Dowladda Ruushka ayaa gacan ka siisay xukuumadda Assad sidii ay dib ugu qabsan lahayd goobaha ay mucaaradka haysteen.

Mowduucyada la xiriira