Toboneeyo qof oo lagu laayay Yaman

Khariidadda Yemen
Image caption Khariidadda Yemen

Wararka ka imanaaya Yemen ayaa sheegayaa in dad ka badan 20 qof ay ku dhinteen weerarro ay qaadeen dhinacyada isku haya colaadda dalkaasi ee kala aj dagaalyahannada Xutiyiinta iyo xulufada uu hoggaamiyo Sacuudiga.

Dadka degan magaalada Sacada ee ku taal woqooyiga dalkaasi ayaa sheegay in toddobo qof oo shan ka mid ah ay yihiin carruur ay ku dhinteen weerarka dhanka cirka ah oo diyaaradaha Sacuudiga ay ku qadeen xarun caafimaad.

Gobjoogayaal ayaa sheegay in labo qof oo kale lagu dilay goob aan ka fogeyn aggaasi oo la duqeeyay.

Dakhaatiir ku sugan konfurta galbeed ee dalkaasi ayaa waxa ay sheegayaan in dagaalyahannada Xutiyiinta ay dileen 12 qof.

Sidoo kale dalka Yaman ayaa la dalaa dhacaya cudurka Daacuunka oo ka dilaacay dalkaasi, waxaana u dhintay muddo sanad ah in ka badan 2,244 qof.

Xulufada uu Sacuudiga hoggaamiyo ayaa Yaman kula dagaallamaya kooxda Xuutiyiinta oo la sheego in ay taageero ka helaan dowladda Iiraan.

Mowduucyada la xiriira