Dublamaasi Mareykan ah oo sheegay in Aung San Suu Kyi aysan lahayn "damiir hogaamineed"

Bill Richardson, Lahaanshaha sawirka Reuters
Image caption Bill Richardson

Dublamaasiga rugcaddaaga ah ee u dhashay dalka Mareykanka Bill Richards ayaa iska casilay guddi loo saaray in ay hogaamiyaha Myanmar Aung San Suu Kyi kala taliyaan dhibaatada Rohingya.

Waxa uu ku andacooday in guddigani uu yahay "mid guuldaraystay ".

Waxa uu ku eedeeyay Ms Suu Kyi,oo muddo dheera ay saaxibo ahaayeen "in aysan lahayn damiir hogaamineed ".

Xukuumadda Myanmar oo ka jawaabtay hadalkiisa ayaa ugu baaqday in uu ka dhowrsado "weerar shaqsiyadeed ".

  1. Sawirrada Muslimiinta Rohingya ee ka cararaya Myanmar
  2. Ma taqaan hogaamiyaha ciidanka badbaadinta Rohingya?
  3. Maxaa soo cusboonaysiiyay qaxa Muslimiinta Rohingya?

In ka badan 650,000 oo ah qaxootiga muslimiinta laga tirada badan yahay ee Rohingya ayaa u soo qaxay dalka Bangladesh sanadkii aanu soo dhaafnay.

Qaar badan oo ka mid ah qaxootigani ayaa imika ku nool xerooyiin ku yaalla dalka Bangladesh.

Mr Richardson ayaa sheegay in Ms Suu Kyi ay si aad "uga carootay " markii uu ku soo qaaday arrinta laba saxafi oo u shaqeeya wakaaladda wararka Reuters oo halkaasi lagu xiray.

Mr Richardson, oo ahaan jiray la taliyihii madaxwayne Clinton ayay muddo toboneeyo sano ah aqoon isu lahaayeen Ms Suu Kyi , waxa uuna booqday mar ay xabsi guri ku jirtay 1990.

Mowduucyada la xiriira