Nikki Haley: Diyaar ayaan u nahay in aan gacan ka gaysano nabadda bariga dhexe

Nikki Haley Lahaanshaha sawirka Getty Images
Image caption Nikki Haley

Danjiraha dowladda Mareykanka u fadhida Qaramada Midoobay ayaa sheegtay in xukuumadda Washinton ay diyaar u tahay in ay gacan ka gaysato wadaxaajoodka nabadeed ee Falastiiniyiinta, balse aysan mareykanka ka daba carari doonin Falastiiniyiinta.

Nikki Haley ayaa hadalkan jeedisay ka dib markii madaxwaynaha Falastiiniyiinta Maxamuud Cabbas uu ku baaqay shir wayne dhinacyo badan ay ka qayb qaadanayaan oo looga hadlayo nabadda bariga dhexe.

Mr Cabaas ayaa ku baaqay in shirkan la qabto sanadkan aaanu ku guda jirno.

Madaxwaynaha Falastiiniyiinta Maxamuud Cabbas ayaa xarunta uu ka socday kulanka golaha ammaanka ka tagay ka hor inta aysan khudbadda jeedin Mrs Haley.

Mr Cabaas ayaa xusay in Falastiiniyiinta ay ku nool yihiin xaalad xun.

Waxa uu sidoo kale cambaareeyay go'aankii maamulka madaxwayne Trump uu magaalada Qudus ugu aqoonsaday caasimadda Israa'iil.

Mowduucyada la xiriira