Booliiska iyo dibadbaxayaal isku dhacay dalka Sri Lanka

Magaaladda Kandy ayaa maalmo waxa ay ka socdeen rabshado Lahaanshaha sawirka .
Image caption Magaaladda Kandy ayaa maalmo waxa ay ka socdeen rabshado

Dhammaan booliiskii fasaxa ku jiray ee dalka Sri Lanka ayaa dib loogu yeeray ka dib markii dalkaasi ay ka qarxeen rabshado ka dhan ah Muslimiinta laga tirada badan yahay ee dalkaasi.

Baraha bulshada oo ay ka mid tahay barta Facebook, ayaa la xiray si looga hortago wax ay dowladda ku tilmaamtay in lagu faafiyo hadalada naceybka ah.

Wasiir ka tirsan dowladda Sri Lanka ayaa BBC u sheegay in la xiray braha Facebook, WhatsApp iyo baraha kale ee bulshada oo uu sheegay in loo isticmaalay faafinta hadalo naceyb ah iyo kicinta rabshado.

Booliiska magaaladda Kandy ayaa isticmaalay sunta dadka ka ilmaysiisa si ay u kala ceyriyaan dad haysta Diinta Buudiistaha oo dibadbax dhigayay.

Dadkani ayaa waxay weerarayeen Misaajidada iyo dukaamada ay Muslimiinta leeyihiin.

Dibadbaxayaasha ayaa iska dhaga tiray Bandow la soo rogay ka dib markii Axaddii la dilay wiil dhalinyaro ah oo Buudiste ah ka dib markii uu muran dhexmaray koox Muslimiin ah.

Xiisadda u dhaxaysa Muslimiinta iyo dadka haysta diinta Buudistaha ayaa sare u kacday maalmihii ugu dambeeyay dalkaasi Sri Lanka.

Kooxaha Diinta Buudistaha ayaa diidan qaxootiga Muslimiinta Rohingya oo ka imaanaya Myanmar.

Toddobaadkii aanu soo dhaafnay magaalada ku taalla bariga dalkaasi ee Ampara ayaa waxaa sidoo kale ka dhacay rabshado.

Mowduucyada la xiriira