Agaasimaha CIA-da: Mareykanku waa ogyahay khatarta la kulanka Kuuriyada Waqooyi

Kuuriyada Waqooyi Lahaanshaha sawirka Getty Images
Image caption Kuuriyada Waqooyi ayaa si xowli ah u horumarineysay barnaamijkeeda hubka nukliyeerka

Agaasimaha CIA-da Maraykanka Mike Pompeo ayaa difaacay go'aanka madaxweyne Donald Trump ee ah in uu la kulmo hoggaamiyaha Kuuriyada Waqooyi Kim Jong-un, wuxuu sheegay in madaxweynuhu uu ka warhayo khatarta.

Trump "uma samaynayo arrintaan riwaayad ahaan, wuxuu halkaas u tagayaa inuu xalliyo dhibaato" madaxa sirdoonka ayaa sidaas sheegay.

Madaxweynaha ayaa sheegay in kulanku uu dhalin karo "heshiiskii ugu weynaa ee caalamka"

Balse waxaa laga digay in haddii wadahadalladu u qabsoomaan si aan wanaagsnayn ay taasi sababi karto in ay uga sii darto xiriirka labada dal sidii uu markii hore ahaa.

Trump oo Kuuriyada Waqooyi ugu baaqay "wada hadal"

Qalabkan aad haysato kuma ciyaari kartid maqalkan iyo muuqaalkan
Muqaalka cajiibka ah ee askariga baxsanaya Kuuriyada Waqooyi

Weli ma dhicin in madaxweyne Mareykan ah uu la kulmo hoggaamiyaha Kuuriyada Woqooyi, Trump ayaa lagu warramayaa in uu si deg ddeg ah u aqbalay codsiga markii ay u soo gudbiyeen ergada ka socotay Kuuriyada Koofureed Khamiistii, go'aankiisa gaarka ah ee uu qaatay ayaa noqday mid la yaab leh.

Wada xaajoodyo hub ka dhigis ah oo la isku dayey ayaa fashil ku dhammaanayay tan iyo sanadkii 2003.