Wasiirro Somaliland oo is casilay

Qalabkan aad haysato kuma ciyaari kartid maqalkan iyo muuqaalkan

Hargeysa waxaa isku casilay casilay caawa (Arbaca) laba Wasiir oo ka tirsan dowladda Somaliland.

Xasan Macallin oo ahaa Wasiirka Madaxtooyada iyo Axmed Cali Ubaxle oo ahaa Wasiirka Warshadaha ayaa labaduba is casilay.

Waxay Wasiirradu ku tilmaameen in is casilaaddooda ay sabab u tahay in ay u arkeen murashaxooda, oo ahaa Madaxweyne Rayaale uu ula muuqday in uu ka gaabiyay tartanka.

Wasiirrada waxaa hadalkooda ka dhadhameysa in ay u janjeeraan xagga xisbiga mucaaradka ah ee KULMIYE.

Wasiirka Madaxtooyada iska casilay, Xasan Macallin waxaa tilmaamay in uu ahaa nin aad ugu dhow Madaxweynaha.

Wasiirkii Warshadaha, Axmed Cali Ubaxle, isagu toddobaadkii hore ayuu BBC u sheegay in xisbiga uu markaa ka tirsanaa ee UDUB iyo murashixiisa oo ah Madaxweyne Rayaale ay ku guuleysan doonaan doorashada.

Hadda waxaa uu leeyahay, arrinku sidaa ma ahan.

Is casilaaddani waxay ku soo beegantay, iyada oo Ssabtida 26-ka Juun ay dhacayso cod bixintu.

Waxayna dad badani u macneysan karaan in ay labadan siyaasi ay yihiin rag danahooda ka arkay xibiga mucaaradka ah ee KULMIYE.

Dowladda Madaxweyne Rayaale weli wax war ah kama soo saarin is casilaadda Wasiirradan.