29 Abriil, 2011, 01:51 GMT 04:51 SGA

Arooska qoyska reer boqor ee Britian

royal wedding

Prince William iyo Kate Middleton

Ilaa 2000 oo marti-sharaf ah ayaa lagu casuumay inay ka soo qayb galaan arooskan reer boqor, waxaya iskugu jiraan qoyska boqortooyada, qoyska reer Middleton, saaxiibada Kate iyo William, dad magac iyo sharaf ku leh dalkan Ingiriiska iyo debadda, iyo weliba madax ka kala socota ilaa 50 dal.

Dad iyaguna lagu qiyaasay ilaa 600,000 oo ka tirsan dadweyaha caadiga ah ayaa iskood iskaga kala yimid dalkan gudihiisa iyo dalalka kale ee reer Yurub iyo Maraykan, si ay goobjoog ugu noqdaan munaaabaddani.

Suxufiyiin lagu qiyaasay ilaa 8,000 oo ka kala tirsan saxaafadda kala duwan ee adduunka ayaa iyaguna ku soo qulqulayey maalmahan danbe magaalada London, una imanayey arooskan reer boqor. Waxase la sadaalinayaa in dadweyne gaadhaa iaa 2 bilyan oo qof oo adduunka ka tirsani ina ka daawan doonaan arooskani television-nada iyo warbaahinta adduunka.

Munaasabaddan waa tii ugu weyneyd ee nooceeda ahayd 30-kii sano ee uu danbeeyey dalkan Britian, markii Prince William aabbihii iyo hooyadii, Prince Charles iyo Lady Diana ay is guursadeen sanaddii 1981. Waxana sanadkaasi telifishannada adduunka ka daawanayey ilaa 750 milyan.

Prince William iyo Kate Middleton waa ay isku doonanaayeen, waxayna isku barteen jaamicaddii ay ku wada jireen. Munaasabadda arooskooduna waxay si rasmi ah u bilaabmaysaa 800 subaxnnimo ee Jimcahan saacadda London, waxana merehrkooda rasmiga ahi uu ka dhacayaa kanisadda West minister Abby sacaaddu marka ay tahay 11:00 ka. Ka bacdina waxa loo gelbin doonaa qasriga boqortooyada ee Buckingham Palace, halkaasi oo lagu qaban doono xafladda arooska.

Gelbiska waxa ka qaybgelaya cutubyada fardooleyda iyo ciidamada salaan-sharafta ee boqortooyada, iyo diyaaradaha ciidamada cirka ee dalkan Ingiriiska. Ilaa 5000 o ka tirsan ciidamada bileyska iyo nabadgelyada ayaa heegan laga dhigay, 1000 ka mid ah ciidamadaasina waxay tuban yihiin labada dhinac ee jidka la sii marinayo lammaanaha arooska ah marka la gelbinayo. Waxa kale oo la adeegsaayaa ilaa 50 eey oo ah kuwa wax uriya.

Jidadka gaar ahaan degaannada West Minister iyo Buckingham Palace ayaa iyagana laga xidhay baabuurta iyo gaadiidka kale.

Television-nada iyo idaacadaha BBC da, kuwa la hadla adduunka iyo kuwa guduhuba waxay si toos ah u soo tebinayaan maalintan Jimcaha oo dhan munaasabadaha arooskan qoyska reer boqor. Waxa kale oo lagala socon karaa bogagga Website-yada Internet-ka ee BBC-da.

BBC navigation

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.