Qarax Beled Weyne

Cabdullaahi Goodax
Image caption Cabdullaahi Goodax waxaa laga yaabaa in uu ahaa bartilmaameedka

Xarunta Gobolka Hiiraan ee magaalada Beled Weyne ayaa maanta waxaa ka dhacay qarax baabuur loo adeegsaday.

Shabaab ayaa sheegatay in ay ayadu mas'uul ka tahay qaraxa.

Waxay Shabaab sheegatay in halkaas ay ku dhinteen askar 30 gaareysa.

Cabdiraxman Cabdi Waare xildhibaan ka tirsan Baarlamaanka Soomaaliya ayaa sheegay inuusan xaqiijin karin khasaaraha ay Shabaab sheegatay.

Wuxuuse qiray in qaraxu soo gaaray dhisamaha ay ayagu deggan yihiin.

Magaalada Beled Weyne waxaa ku sugan wafdi ka tirsan Dowladda oo uu hoggaaminayo, Wasiirka Qorsheynta, Cabdullaahi goodax Barre.

Sannadkii 2009 ayaa magaalada Beled Weyne waxaa lagu dilay Wasiirkii Ammaanka, Cumar Xaashi, Danjirhii hore ee Addis Ababa, Cabdikarim Faarax iyo mas'uuliyiin fara badan.

Waxay ahayd qarax lala beegsaday Hotel ay degganaayeen. Shabaab ayaa berigaas ka dambeysay weerarka.

Warar kale oo dheeraad ah oo la xiriira qodobkan