Xaaladda Macluusha Soomaaliya

Lahaanshaha sawirka AFP
Image caption Macluusha Soomaaliya waxaa ku dhintay dad badan

Qaramada Midoobay ayaa sheegaysa in macluul Soomaliya looga dhawaaqay bishii toddobaad ee sanadkii hore ay hadda dhammaatay.

Waxay sheegtay in xaaladda ay ka soo raysay kadib markii beeraha laga goostay dalag wanaagsan, iyo kadib markii hay'adaha caalamiga ay bixiyeen gar-gaar wax ku ool ah.

Hasa ahaatee, Madaxa qeybta gar-gaarka aadaninimo Qaramada Midoobey u qaabilsan Soomaliy, Mark Bowden, ayaa sheegay in la filayo in xaaladda ay xumaan karto bisha shanaad ee May.

Horey waxaa uu u sheegay in abaarta Soomaaliya ay dishay kumanaan qof tan iyo bishii July ee sanadkiii hore.