Wiish iyo Mugaambe oo qarax ku dhintay

Tiyaatarka Muqdisho
Image caption Tiyaatarka Muqdisho ayaa la furay bishii hore

Ugu yaraan 7 ruux ayaa ku dhintay qarax maanta lagu weeraray Tiyaatarka Muqdisho.

Guddoomiyaha Olembigga Soomaaliya, Adan xaaji Yabarow Wiish iyo Guddoomiyaha Xiriirka Kubadda Cagta Soomaaliya, Siciid Mugaambe, ayaa labaduba ku geeriyooday goobta.

Waxaa kale oo geeriyooday dhowr ruux oo kale, oo uu ka mid yahay abwaan loo yiqiin Qabyaalad-Diid.

Ra'iisal Wasaaraha Soomaaliya, Cabdiweli Maxamed Gaas, oo goobta hadal ka jeedinayay markii qaraxu dhacay, ayaa mar dhoweyd u sheegay in uu dhaawac fudu soo gaaray Wasiirka Qorsheynta Cabdullaahi Goodax Barre, laakiin ay goluhu ay ka badbaadeen dhimashada.

Waxaa kale oo Raiisal Wasaaruhu u sheegay BBC in weerarka ay soo qaadday gabar is qarxisay.

Dadka dhaawaca ah waxaa kale oo ka mid ah Mudane Maxamed Cumar Dhalxa.