Shabaab oo laga qabsaay Qansax Dheere

Lahaanshaha sawirka NA
Image caption Ciidanka Ethiopia

Wararka ka imanaya gobolka Baay ayaa sheegaya in ciidamada Ethiopia iyo kuwa dowladda KMG ah ee Soomaaliya ay qabsadeen maanta magaalada Qansax Dheere.

Qabsashada magaalada ayaa ka danbeysay kadib markii dagaal uu labada dhinac ku dhexmaray meel ka baxsan magaalada, kaasi oo la sheegay in khasaaro uu geystay.

Wararku waxa kale oo ay sheegayaan in ciidamada dowladda Soomaaliya iyo kuwa Ethiopia ay u soo dhaqaaqeen dhinaca magaalada Buur Hakaba, iyaga oo soo dhaafay Deynuunaay.

Magaalada Qansax Dheere ayaa ah magaalo muhiim ah oo isku xirta gobolada Baay, Gedo iyo Shabeellada Hoose.