Soomaali lagu xukumay Paris

Maxkamad ku taal Faransiiska ayaa 4 Soomaali ah ku xukuntay xabsi u dhexeeya 4 ilaa 10 sano.

Waxay ku eedeysnaayeen in ay afduubeen shaqaalihii markab la yiraa Le Ponant oo ah kuwa lagu tamshleeyo ah oo marayay gacanta Cadan bishii April 2008.

Laba kale waa la sii daayay. Go'aan la yaab leh ayay noqotay sii deyntoodu maaddaama uu xeer ilaaliyuhu codsaday in lagu xukumo 15 sano.

Mid ka mid ah kuwa la xukumay oo ah wadihii gaari Landcruiser ah oo ay wateen nimanka la xukumay markii la qabanayay waxaa isaga lagu xukumay afar sano oo xarig ah.

Laakiin maaddaama uu afar sano xirnaa hadda waa la sii daayay.

Shaqaalaha ay af duubeen tiradoodu waxay ahayd 30.

Ismaaciil Cali Samatar oo keliya ayaa qirtay in uu ahaa burcad badeed. waxaa lagu xukumay xabsiga ugu dheeraa dhammaantood oo ah 10 sano.

Soomaali tradoodu tahay 22 ayaa lag hayaa Faransiiska kuwaas oo loo haysto in ay dad afduubeen ka dib markii ay afar weerar ku qaadeen gaadiid marayay badda.