Clinton oo booqaneysa Koonfurta Sudan

Image caption Xoghayaha Arrimaha Dibedda ee Mareykanka, Hillary Clinton,

Xoghayaha Arrimaha Dibedda ee Mareykanka, Hillary Clinton, ayaa booqasho gaaban ku tageysa Koonfurta Suudaan maanta.

Waxa ay noqoneysaa sarkaalkii ugu sareeyay ee dowladda Mareykanka ka socda ee booqda dalka tan iyo markii ay xornimada qaateen sanad ka hor.

Mrs Clinton -- oo hadda joogta dalkii toddobaad ee Afrika booqashadeeda, waxa ay la kulmi doontaa Madaxweynaha Koonfurta Suudaan, Salva Kiir.

Mareykanku waxa uu ku boorinayaa Suudaan iyo Koonfurta Suudaan inay kordhiyaan dadaalka lagu xallinayo khilaafka u dhexeeya labada dhinac, kaasi oo keenay in ay u dhawaadaan in dagaal weyn uu dhexmaro sanadkan horraantiisi.

Labada Suudaan waa in ay weli ka heshiiyaan muranka soohdinta iyo shidaalka.