Cameron oo la kulmay Xasan Sheekh

Markii u dambaysay ee la cusboonaysiiyay: 4 Febraayo, 2013, 17:44 GMT 20:44 SGA

Madaxweynaha Soomaaliya Xasan Sheekh Maxamuud iyo Raiisul Wasaaraha Britain David Cameron

Raiisul Wasaaraha dalkan Britain, David Cameron ayaa maanta kula kulmay xafiiskiisa Downing Street ee London Madaxweynaha Soomaaliya Xasan Sheekh Maxamuud.

Labada hoggaamiye ayaa waxa ay ka wada hadleen xiriirka dal ee Soomaaliya iyo Britain.

Raiisul Wasaaraha Britain, David Cameron oo hadlay ayaa sheegay in Britain ay dooneyso in ay sameyso wax walba aan ku caawin karno Soomaaliya si dib loogu dhiso, isla markaana loo arko horumar dhaqaale, horumar siyaasad horumar dagaallanka argagaxisada.

Waxa uu intaa ku daray inay jiraan wax badan oo dhacaya iyo is beddel badan.

Kulanka Madaxweynaha Soomaaliya iyo Raiisul Wasaaraha Dowladda Britain ayaa ku soo beegmay iyada oo maanta ay dowladda Britain ku dhawaaqday in Soomaaliya ay siineyso lacag Shan milyan oo dollar ku dhaw oo kaalmo cusub ah taasi oo wax looga qabanayo hooyooyinka iyo carruurta nafaqo darradu heyso.

Dowladda Britain ayaa sanadkii hore safiir u magacawday Soomaaliya, waxaana ay ku hawlan tahay xal u helidda arrimaha Soomaaliya.

Bisha May ee soo socota ayaa waxa magaalada London lagu qaban doonaa shir ku saabsan Soomaaliya.

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.