Shaqo joojin looga dhawaaqay Turkiga

Turkey Lahaanshaha sawirka BBC World Service
Image caption Dibedbaxyo rabshado wato ayaa xigay musiibada macdan qodayaasha Turkiga

Booliska waddanka Turkiga ayaa sunta dadka ka ilmeysiisa u adeegsaday kumannaan dibadbaxayaal ah oo isugu soo baxay magaalooyinka Istanbul iyo Ankara.

Dibadbaxayaasha ayaa dalbanaya in dowladda ay iscasisho kaddib shil ka dhacay goob dhuxusha laga qodo.

Ilaa haatan 274 ruux ayaa meydkooda laga soo saaray goobta oo ku taalla deegaanka Soma.

Ururrada shaqaalaha ee Turkiga ayaa ku baaqay shaqo joojin, iyagoo ka cabanaya sida ay dowladda u maaraysay waaxda macdanta ee dalkaas.

Boqollaal qaraabo la ah dadka ka shaqeynayay goobta macdanta laga qodo oo walwalsan ayaa ku soo ururay meel u dhow meesha laga qodo macdanta.

Ra'iisalwasaare Recep Tayyip Erdogan, ayaa sheegay, in dareenkiisa uu la jiro dadka ay saameysay musiibada.

Xisbiga ugu weyn mucaaradka Turkiga ee Republican People's Party ayaa sheegay in dowladda ay qaadayso mas'uuliyadda waxa ay ku tilmaameen musiibada weyn ee ka dhacday goobta laga qodo macdanta ee Soma

Kooxaha gurmadka ayaa ku howlan si ay u soo badbaadiyaan dadka weli ku xayiran dhulka hoostiisa.

Warar kale oo dheeraad ah oo la xiriira qodobkan