Obama oo Ruushka cambaareeyay

Image caption Madaxwaynaha Maraykanka Obama

Madaxwayne Obama ayaa Ruushka uga digay waxa uu ugu yeedhay xeeladaha madmadow ee Ukraine ay u adeegsanayso.

Obama waxaa uu sheegay in ay dhamaadeen maalmihii imbaraadoriyada oo saamayn badan lahaan jirtay.

Islamarkasna laga gudbay xiliyadii dawladaha waawayn ay u xoogsheegan jireen dawladaha yaryar.

Waxaa uu sheegay in wadamada xorta ah ay u babacdhigi doonaan daandaansiga Ruushka, waxaana uu sheegay in Ruushku ay halis u yihiin in lasaaro takor dheeri ah.