US iyo Britain oo ka wadahadlaya amniga

Lahaanshaha sawirka Reuters
Image caption Dalalka reer galbeedka waxa ay ka walaacsan yihiin halista IS

Ra’iisul wasaaraha Britain David Cameroon ayaa ku sugan magaalada Washington ee dalka Mareykanka.

Mr Cameroon ayaa wadahadallo la leh madaxweyne Obama, waxaana la filayaa inay diiradda saraan arrimaha amniga.

Labada hogaamiye ayaa shaaca ka qaadi doona barnaamij cusub oo looga hortagayo weerarada dhanka inetrnetka ah.

Mr Cameron ayaa sheegay inay muhiim tahay in dhan looga soo jeesto kuwa loo arkey inay duullaanka ku yihiin.

Waxa uu ku sharaxay dhacdadii dalka Belgium inay tahay calaamad kale oo muujineysa halista Dowladda Islaamka.

Waxa uu tilmaamay in lagamamaarmaan ay tahay in sirdoonka iyo laamaha kale ee amniga ay wada shaqeeyaan.