Nin interpol ay raadineyso oo wasiir noqday

Lahaanshaha sawirka Getty
Image caption Madaxweynaha dalka Afghanistan Ashraf Ghani

Xafiiska madaxweynaha dalka Afghanistaan ayaa billaabay baaritaan kaddib markii ay soo baxday in wasiir uu Madaxweyne Ashraf Ghani magacaabay ay doondoonayaan booliska caalamiga ah ee Interpol.

Wasiirkan oo loo dhiibay wasaaradda beeraha ayaa la sheegayaa inuu ku jiro liiska dadka ay Interpol raadinayaan.

Mohammad Yacqub Xeydari ayaa laga baadi goobayaa dalka Estonia, waxaana loo haystaa in uusan bixin canshuuro laga doonayay sanadkii 2003-dii.

Mr Xeydari ayaa sheegay in uu yahay dhibane shirqool siyaasadeed loo dhigay.