Boko Xaraam oo isbahaysi la gashay Daacish

Lahaanshaha sawirka AFP
Image caption Hoggaamiyaha Boko Xaraam Abubakar Shekau

Kooxda islaamiga ah ee Boko Xaraam ee ka dagaalanta Waqooyiga Bari ee dalka Nigeria ayaa sheegtay in ay u hoggaansatay kooxda Daacish ee ka dagaalanta Suuriya iyo Ciraaq.

Boko Xaram ayaa go’aankaasi ku shaacisay cod la duubay oo lagu baahiyay barta ay kooxda twitter-ka ku leedahay.

Arrintan ayaa ku soo beegantay iyadoo weeraro ay kooxda qaaday shalay ay ku dhinteen in ka abdan 50 qof.

Fariinta codka ah oo aan weli la xaqijin waxa ay u muuqataa in codkaasi uu yahay kan hoggaamiyaha kooxdaasi Ababubar Shekau.

Kooxdan waxay noqonaysaa tii ugu dambaysay oo u hoggaansanta ama sheegta in ay isku dhiibtay kooxda Daacish, iyadoo markii hore la aaminsanaa in kooxda boko haram ay xiriir la lahyd kooxda Al-qaacida.

Boko Xaraam, waxay bilawday ololaheeda rabshadaha 2009-kii iyadoo isla markaasna xukunka shareecada Islaamka ay ku soo rogtay waqooyiga dalka Nigeria.