Duufaano dad ku laayay Australia

Lahaanshaha sawirka Reuters
Image caption Duufaanta ayaa burbur baaxad leh gaysatay.

Saddex ruux ayaa ku dhintay dad kalena waa la la’yahay kaddib markii duufaano dhacay ay sababeen in ay fatahaan wabiyo, geeduhu ay go,aan ayna xaaqeen buundooyin ku yaala xeebta bari ee dalka Australia.

Duufaanta ayaa wali ka dhacaysa koonfurta New South Wales, Victoria iyo Tasmania.

Lahaanshaha sawirka Getty Images

Roobab mahiigaano ah oo ka da’aya koonfurta ayaa kusii socda dhanka Queensland.

Dhul wayn oo go’ay ayaa fatahay, bulshada xeebta dagan ayay saamaynta u badan ku yeesheen dhibaatooyinka dhacaya.

Lahaanshaha sawirka Getty

Ilaa labaatan digniin oo fatahaado ah ayaa horay loo shaaciyay.

Boqolaal qof oo gobolo kala duwan ku nool ayaa lagu qasbay in ay guryahooda isaga tagaan.

Lahaanshaha sawirka AFP

Cimiladan xumaatay waxay hadda dhibka ugu badan ku haysaa jasiiradda Tasmania, halkaas oo wadooyin badan la xiray ilaa afar kun oo guryood ayaana koronto la’aan ah.