Wanajeshi wa Sudan Kusini wautwaa mji wa Pagak kutoka kwa waasi

Wanajeshi wa Sudan Kusini
Image caption Wanajeshi wa Sudan Kusini

Waasi nchini Sudan Kusini, wanasema kuwa wanajeshi wa serikali, wametwaa ngome yao muhimu huko Pagak, karibu na mpaka na Ethiopia.

Maelfu ya raia wametoroka eneo hilo huku wafanyikazi wa mashirika ya utoaji misaada, wakiondolewa na kupelekwa mahali salama, baada ya mashambulio makali ya risasi kushuhudiwa kati ya waasi na wanajeshi wa serikali ya Bwana Salva Kirr.

Kutwaliwa kwa mji wa Pagak, ni pigo kubwa mno kwa waasi, ambao kiongozi wao Dkt Riek Machar, anasemekana kuwa kifungo cha nyumbani nchini Afrika Kusini.

Haki miliki ya picha Getty Images
Image caption Mamia ya watu Sudan Kusini wamekimbia taifa lao

Robo ya idadi nzima ya raia wa Sudan Kusini, wamefurushwa makwao, na mapigano ya wenyewe kwa wenyewe yaliyoanza mwaka 2013, miaka miwili tu baada ya taifa hilo kujipatia uhuru kutoka nchini Sudan ya Khartoum.

Mada zinazohusiana