Polisi waua waandamanaji Ethiopia

Image caption Ramani ya Ethiopia

Watu kadhaa wanahofiwa kuuawa na wengine wengi kujeruhiwa baada ya polisi wa kupambana na ghasia kukabiliana na waandamanaji katika mji wa Bahir Dar Ethiopia.

Maandamanano haya yanafuatia yale ya siku ya Ijumaa yaliyoitishwa na wanaharakati kupinga sera ya serekali ya kuwapokonya ardhi kwa lazima ilikufanikisha ruwaza ya taifa ya kuupanua mji mkuuu wa Ethiopia Addis Ababa.

Serikali ya taifa hilo inakabiliwa na wimbi la maandamano na uasi kutoka kwa makabila mawili makubwa ambayo ndio yanayolengwa na kuathirika zaidi na sera hiyo ya serikali.

Kama ilivyotarajiwa serikali imefunga kwa mara nyingine mitandao ya kijamii kuanzia siu ya ijumaa.

Mwandhishi wa BBC aliyeko Ethiopia Emmanuel Igunza anasema kuwa maafisa wa polisi walilazimika kufyatua mabomu ya kutoa machozi na risasi hewani ilikutawanya maelfu ya waandamanaji waliofunga mabarabara huku wakimba nyimbo za kupinga serikali.

Haki miliki ya picha AFP
Image caption Maelfu ya watu waliandamana dhidi ya sera ya serikali kuwapokonya ardhi

Waandamanaji hao walijaribu kupeperusha bendera nzee ya Ethiopia katika jimbo la Amhara.

Katika jimbo la Oromia- mamia ya watu wanakisiwa kukamatwa kufuatia maandamanao na makabiliano yaliyoendelea usiku wote.

Serikali imepiga marufuku maandamano yote nchini humo.

Maandamano hayo mwanzo yalianza kwa sababu ya ardhi lakini sasa yanaonekana yanahusu maswala mengi ikiwemo uongozi mbaya wa kiimla ,kukamatwa ovyo kwa vijana kutoka jamii ya Oromo mbali na mauaji ya waandamanaji na wafuasi wao.

Maelezo zaidi kuhusu taarifa hii