Rooney: ni wakati mgumu kuwekwa benchi England

Rooney Haki miliki ya picha PA
Image caption Nahodha wa England Wayne Rooney

Nahodha wa timu ya taifa ya England Wayne Rooney, amesema huu ni wakati mgumu kwake baada ya kuondolewa kwenye kikosi cha kwanza kitachocheza mchezo kuwania kufuzu kwa kombe la dunia dhidi ya Slovenia leo hii jumanne.

Kocha wa muda wa kikosi hicho Gareth Southgate, amesema uamuzi wa kumuweka benchi mchezaji huyu ni wa kiufundi na sio suala la ubora wa kiwango cha Rooney.

Nyota huyu mwenye umri wa miaka 30, anaendelea kuwa nahodha wa timu ya taifa lakini katika mchezo wa dhidi ya Slovenia, Jordan Henderson, ndie atavaa kitamba cha unahodha.

Rooney, ndie mfungaji bora wa kihistoria wa England, akiwa na bao 53 akifuatiwa na sir Bobby Charlton, aliefunga bao 49.

Pia ndie mchezaji wa pili kuichezea mechi nyingi nchi yake akiwa amecheza mechi 117 nyuma ya kipa peter shilton aliyecheza mechi 125.