Rais Buhari: Mke wangu ni wa kwangu jikoni

Rais Buhari na mkewe Aisha Haki miliki ya picha AFP
Image caption Rais Buhari na mkewe Aisha

Rais wa Nigeria Muhammadu Buhari amejibu onyo kutoka kwa mkewe ambaye alikuwa ametahadharisha kwamba hatamuunga mkono uchaguzi mkuu ujao iwapo hatafanya mabadiliko serikali.

Bi Aisha, kwenye mahojiano na BBC, alikuwa amedokeza kwamba mumewe amepoteza udhibiti wa serikali.

Bw Buhari kwa sasa yumo kwenye ziara rasmi nchini Ujerumani na kwa mujibu wa shirika la habari la AP, amemjibu mkewe wakati wa kikao cha wanahabari akiwa pamoja na Kansela wa Ujerumani Angela Merkel.

Bw Buhari anaanza kwa kucheka kidogo kisha kusema: "Sijui mke wangu ni wa chama gani, lakini najua yeye ni wa kwangu jikoni na sebuleni na chumba hicho kingine."

Haki miliki ya picha EPA
Image caption Bw Buhari yuko ziarani nchini Ujerumani

Kiongozi huyo aliyeingia madarakani mwaka jana amesema pia kwamba na ujuzi na uzoefu zaidi ya mkewe katika siasa.

Amesema alijaribu kwa miaka 12 kuwa rais na akafanikiwa kwa mara ya nne.

"Kwa hivyo, nina ujuzi kushinda yeye na watu wengine wa upinzani, kwa sababu mwishowe nilifanikiwa. Si rahisi kuridhisha vyama vyote vya upinzani nchini Nigeria au kushiriki serikalini."

Bi Merkel alionekana kushangazwa na matamshi ya Bw Buhari.

Maelezo zaidi kuhusu taarifa hii