Ivory Coast ina katiba mpya

Huu ni ushindi wa Rais Haki miliki ya picha ISSOUF SANOGO
Image caption Rais wa Ivory Coast Alassane Ouattara

Maafisa wa uchaguzi nchini Ivory Coast wamesema kwamba upande uliounga mkono kielelezo cha katiba umeshinda katika kura ya maamuzi ya hapo Jumapili kwa asili mia 93.

Asili mia 42 ya wapiga kura walijitokeza kwenye zoezi hilo lililosusiwa na makundi ya upinzani. Rais Alassane Ouattara ameongoza kampeini ya kuunga mkono mageuzi ya katiba.Moja wapo ya kipengee kilichobadilishwa ni ulazima wa wagombea wa Urais kuwa na wazazi asilia wa nchi hiyo.

Wapinzani wanasema Rais Ouattara anatumia mageuzi ya katiba kumteuwa mrithi wake. Kumekua na maandamano ya upinzani kupinga mageuzi ya katiba.Katika eneo lenye ufuasi wa chama cha upinzani cha 'Ivorian Popular Front', mjini Abidjan, vijana waliharibu vituo vya kupigia kura.

Haki miliki ya picha AFP
Image caption Upande uliounga mkono umeshinda

Rais Alassane Ouattara amesema katiba mpya itasaidia kuunganisha taifa na kumaliza tisho la kuzuka vita vya wenyewe kwa wenyewe. Katiba mpya imeondoa umri wa mgombea Urais na kuweka mihula miwili pekee ya Rais.

Pia kutakua na Baraza la Senate ambalo litashirikiana na bunge katika kutunga sheria. Kuna nafasi ya Makamu wa Rais na katiba mpya inatambua Baraza la Machifu wa kijamii. Tangazo la matokeo ya kura ya maoni limetolewa na Rais wa tume ya uchaguzi Youssouf Bakayoko.