EU: Donald Trump ni tishio kwa Ulaya

Rais wa muungano wa Ulaya Donald Tusk Haki miliki ya picha Reuters
Image caption Rais wa muungano wa Ulaya Donald Tusk

Rais wa Baraza la muungano wa Ulaya Donald Tusk ameonya kwamba maamuzi ya kutia wasiwasi yanayofanywa na Donad Trump ni miongoni mwa chanagmoto zinazokumba muungano huo.

Amesema kuwa mabadiliko yaliofanyika nchini Marekani ni miongoni mwa vitisho kutoka nje vinavyojumuisha China, Urusi na Waislamu wenye itikadi kali kwa muungano huo.

Katika barua kwa viongozi 27 wa bara Ulaya bw Tusk pia amesema kuwa anaamini kwamba wote wanakubaliana naye.

Taarifa kadhaa kutoka Washington zimesababisha maandamano dhidi ya Trump katika miji mikuu ya Ulaya.

Katika barua iliotolewa kabla ya kikao cha muungano huo huko Malta wiki hii, Bw Tusk alisema kuwa utawala mpya wa Donald Trump umeiweka EU katika hali ngumu kwa kuwa unahoji sera ya kigeni ya Marekani ya miaka 70 iliopita.

Alimalizia kwa kusema: Hatuwezi kusalimu amri kwa wale wanaotaka kudhoofisha ushirikiano wetu ambao bila amani hauwezi kufanikiwa.

Tunawakumbusha marafiki zetu wa Marekani kwamba Umoja ndio nguvu.

Maelezo zaidi kuhusu taarifa hii