Kwa Picha: Mugabe alivyosherehekea kutimiza miaka 93

Mugabe akila keki Haki miliki ya picha EPA
Image caption Mugabe akila keki

Wafanyakazi katika afisi ya Rais wa Zimbabwe Robert Mugabe walimuandalia karamu ya kukata na shoka kusherehekea kiongozi huyo kutimiza miaka 93 jana Jumanne.Kulikuwa na keki kubwa.

Bw Mugabe ndiye kiongozi wa nchi mwenye umri mkubwa zaidi duniani.

Kutakuwa na sherehe kubwa kwa ajili ya umma Jumamosi.

Rais Mugabe aliongoza Zimbabwe kupata uhuru wake mwaka 1980 na ametangaza kwamba anapanga kuwania katika uchaguzi mkuu mwaka ujao, ambapo atakuwa na umri wa miaka 94.

Mugabe alizaliwa 21 Februari, 1924.

Alifungwa jela 1964-1974 kwa kutoa "hotuba ya kuhujumu serikali"

Baada ya kuachiliwa, alisaidia kuongoza vita dhidi ya serikali ya Rhodesia

Vita vilipomalizika, Mugabe alishinda uchaguzi 1980 na akawa waziri mkuu wa Zimbabwe na akaongoza taifa hilo kama waziri mkuu hadi mwaka 1987.

Alipokuwa anasherehekea kutimiza miaka 93, Umoja wa Ulaya ulipiga kura kuongeza vikwazo dhidi yake.

Haki miliki ya picha EPA

Katika sherehe hiyo ya Jumanne, Bw Mugabe alisaidiwa kukata keki na mkwewe Simba Chikore.

Haki miliki ya picha EPA
Image caption Mugabe akikata keki

Bw Mugabe pia alipewa zawadi mbalimbali, zikiwemo kiti hiki, kwa kutimiza miaka 93. Kulikuwa pia na saa na kalamu.

Haki miliki ya picha EPA

Akihutubu wakati wa sherehe hiyo, Bw Mugabe alimshukuru Mungu kwa kumjalia maisha marefu.

Haki miliki ya picha EPA

Alionekana kufurahia kula keki.

Mada zinazohusiana

Maelezo zaidi kuhusu taarifa hii